ЯНГИ АХБОРОТ-ТАЪЛИМ МУҲИТИ ЗАМОНАВИЙ ТАЪЛИМ ЖАРАЁНИНИНГ ИННОВАЦИОН ТАВСИФИ СИФАТИДА

Abstract

Бугунги кунда мамлакатимизда катта ўзгаришлар рўй бермоқда.Туб ислоҳотлар жамиятимиз ва иқтисодиётимизнинг барча жабҳаларини қамраб олмоқда. Жумладан, олий таълим тизимида ҳам ана шундай жиддий ўзгаришлар амалга оширилиб, илғор хорижий тажрибалар асосида инновация жараёнларига катта эътибор қаратилмоқда. Жумладан хорижий ва МДҲ давлатларининг нуфузли хорижий олий таълим муассасалари билан алоқалар кенгайиб, уларнинг бир нечтасининг филиаллари (И.М. Губкин номидаги Россия давлат нефт ва газ университети Тошкент филиали, Латвия Ахборот тизимлари менежмент олий мактабининг Фарғона филиали, Россия давлат жисмоний тарбия, спорт, ёшлар ва туризм университетининг Самарқанд филиали ва бошқалар) юртимизда ташкил этилган.