БИТИМНИНГ ҲАҚИҚИЙ ЭМАСЛИГИ: ХОРИЖИЙ МАМЛАКАТЛАР ТАЖРИБАСИ

Abstract

Мақолада Ўзбекистон Республикасида амалга оширилаётган иқтисодий-ҳуқуқий ислоҳотлар доирасида фуқаролик ҳуқуқи субъектлари учун яратилган кенг имкониятлар ва бунинг натижасида юзага келган фуқаролик-ҳуқуқий муносабатлар доираси таҳлил қилинади. Жумладан, битимлар ва уларнинг ҳақиқий эмаслигига оид масалалар ўрганилади. Мақолада хорижий мамлакатлар, хусусан, Австрия фуқаролик тузуклари ва Германия қонунчилигидаги битимларнинг ҳақиқий эмаслигига оид қоидаларга алоҳида эътибор қаратилади. Битимларнинг ҳақиқий эмаслигини келтириб чиқарувчи асослар, битимнинг амалга оширилишига таъсир этувчи ҳолатлар ва уларнинг ҳуқуқий оқибатлари бўйича тажрибалар таққосланади. Шунингдек, мақолада фуқаролик ҳуқуқида таъминловчи битимлар ва уларнинг ҳуқуқий табиатига оид турли назариялар таҳлил қилинади. Мақоланинг хулосасида битимнинг ҳақиқий эмаслиги таъриф берилади.