JINOYAT PROTSESSI ISHTIROKCHILARI XAVFSIZLIGINI TA’MINLASH CHOG‘IDA OLINGAN DALILLAR MAQBULLIGI

Abstract

Ushbu maqolada jinoyat protsessida dalillarni ta’minlash va jinoyat protsessi ishtirokchilarining xavfsizligini ta’minlash masalalari o‘zaro bog‘liq huquqiy institutlar sifatida tahlil qilinadi. Tadqiqotda dalillarning qonuniy va maqbul tarzda olinishi sud adolatini ta’minlashning muhim sharti ekani asoslanadi. O‘zbekiston Respublikasining Jinoyat-protsessual kodeksi, “Jabrlanuvchilarni, guvohlarni va jinoyat protsessining boshqa ishtirokchilarini himoya qilish to‘g‘risida”gi Qonuni hamda Oliy Sud Plenumi qarorlari normalari ilmiy-huquqiy jihatdan o‘rganiladi. Maqolada protsess ishtirokchilarining xavfsizligi buzilgan holda olingan dalillarning nomaqbul deb topilishi va ularning yuridik oqibatlari yoritilgan. Shuningdek, dalillarni yig‘ish, saqlash va baholash jarayonida yuzaga kelayotgan amaliy muammolar, jumladan kadrlar malakasi, texnik ta’minot va raqamli dalillarni himoyalash masalalari tahlil qilinib, ularni bartaraf etish bo‘yicha ilmiy-amaliy takliflar ilgari suriladi.