MAKTABGACHA TA’LIM YOSHIDAGI BOLALAR KITOBXONLIGI VA BU BORASIDA ABDULLA QAHHORNING FIKRLARI

Abstract

Odatda, bola olamga kelibdiki, onani taniydi, uning hidini, qadam tashlashini, nafas olishini darhol sezib oladi. Ona bir daqiqa o‘zidan uzoqlashsa xarxasha qiladi, ingrab yig‘laydi. Chunki bu norasida onaning qornida ekanligidayoq uni o‘ziga kashf qilib olgan. Shu onaning ko‘magida atrof-muhit bilan, o‘zini qurshab olgan olam bilan tanishadi. Onaning allasi, qo‘shig‘i, ertagi murg‘ak qalbida bir umrga muhrlanib qoladi. Folklor va yozma adabiyot namunalarini tinglab, voyaga yåtayotgan bolalarning o‘yinlari, sho‘xliklari, xayollari, qiziqishlari, gap-so‘zlari — bular bolalarning ma’naviy dunyosini boyitadigan omillardandir. Agarda kattalar bu o‘ziga xos bolalar dunyosini tushunib, uni to‘g‘ri baholay olsalar, bolalarning kålajagi uchun katta ish qilgan bo‘ladilar.