O‘ZBEKISTONDA MONOPOLIYAGA QARSHI KOMPLAYENS TIZIMI: HUQUQIY ASOSLAR, INSTITUTSIONAL MEXANIZM VA SAMARADORLIK MUAMMOLARI

Abstract

Darhaqiqat, yangi tahrirdagi “Raqobat to‘g‘risida”gi Qonunda bir qator yangi institutlar joriy etilgan bo‘lib, mazkur maqolaning asosiy mavzusi monopoliyaga qarshi komplayens tizimini tahlil qilishdan iborat. Monopoliyaga qarshi komplayens tizimi raqobat siyosatidagi yangi huquqiy institut hisoblanadi. 2023-yilgi “Raqobat to‘g‘risida”gi Qonunning 9-moddasiga muvofiq, ushbu tizim faoliyatning raqobat to‘g‘risidagi qonunchilikka muvofiqligini ta’minlash, qonunbuzarliklar xavfini aniqlash va ularning oldini olishga qaratilgan ichki tashkiliy chora-tadbirlar hamda boshqa tegishli choralar majmuini joriy etishni nazarda tutadi. Ushbu tizimning normativ-huquqiy asosi O‘zbekiston Respublikasi Prezidentining 2020-yil 6-iyuldagi 6019-sonli “Raqobat muhitini yanada rivojlantirish va iqtisodiyotda davlat ishtirokini qisqartirish bo‘yicha qo‘shimcha chora-tadbirlar to‘g‘risida”gi Farmoni hamda 2021-yil 2-martdagi 114-son qaroriga muvofiq ishlab chiqilgan Vazirlar Mahkamasining “Monopoliyaga qarshi komplayens tizimini joriy etish chora-tadbirlari to‘g‘risida”gi qaroriga asoslanadi.