BO‘LAJAK TARBIYACHILARNI KASBIY TAYYORLASHNING NAZARIY ASOSLARI

Abstract

Bugungi globallashuv jarayonida ta’lim tizimini tubdan modernizatsiya qilish, uni xalqaro talablar darajasiga olib chiqish va raqobatbardosh kadrlar tayyorlash davlat siyosatining ustuvor yo‘nalishlaridan biri sifatida qaralmoqda. Ayniqsa, maktabgacha ta’lim tizimi inson kapitalini shakllantirishning boshlang‘ich bosqichi sifatida muhim ahamiyat kasb etadi. Chunki aynan shu davrda bolaning shaxsiyati, dunyoqarashi, ijtimoiy va kommunikativ ko‘nikmalari shakllanadi. Shu sababli maktabgacha ta’lim tashkilotlarida faoliyat yurituvchi tarbiyachilarning kasbiy tayyorgarligi yuqori darajada bo‘lishi talab etiladi.